Autobiography of Rev.Dr.Samuel Nang Khan Do

TOPA’ NA KA SEP SUNG A MALSIMSEIH TENG

Hi ka tangthu at ciangdong, kei teptehna bangin:
(1)Thu ummi 255 ka tuiphum hi.
(2)Nupa kop 25 a siangtho kiteenna pia hi.
(3)Nau apna, tano 276 ka ap hi.
(4)Misi luang ( Pawl sung, pawl pua) 100 ka phum hi.

TOPA’ HONG PIAK TANU-TAPATE

(1)   Dr. David Ngin Sian Pau             suahni       June 18, 1971 (Friday)
(2)   Nu Ngoih Lam Cing                    suahni       January 04, 1974 (Friday)
(3)   Tg. Lang Khan Dong                    suahni      October 25, 1976 (Monday)
(4)   Tg. Suan Cin Kam                        suahni       February 03, 1979 (Saturday)
(5)   Lia Awi Ngaih Don                       suahni       January 16, 1982 (Saturday)
(6)   Tg. Thang Khan Khai                  suahni       January 03, 1985 (Thursday)
(7)   Lia Ciin Khan Nem                       suahni       September 22, 1987 (Tuesday)
(8)   Tg. Vung Khan Tuang                 suahni       February 17, 1990 (Saturday)
(9)   Tg. Vungh Khat Suan                  suahni        September 20, 1998 (Sunday)
(10) Tg. Vungh Cin Kap                      suahni        September 20, 1998 (Sunday)

Hi a tunga ka tanu ka tapate tuni ciangdong cidam lai buang uh a, ka tanu Ngoih Lam Cing bang meingong min hong pua man liang hi.

Note: Hi laibu a ki at pen May, 2001 hi in, 2nd October 2011 ni in tanu Ngoih Lam Cing
           in leitung nusia hi. Ref: www.ciuac.org/cdimHM.html

PAWLPI’ KHAN’NA LEH KIAMNA

Pawlpi’ thuciaptehnate a kiet ciangin Tahan Pawlpi pan 1967 kum a inntuan hi-a, a Sia uh pen tulaitak Vengpi Pawlpi pan pension a la-sa Rev. Len Cung Nung ahi hi. Pawlpi a kiphuh hunlai lianin inn 27 bek pha uh a, Pawlpi-mi tuiphumsa 77 hawng pha uh hi.

Kum 1987 kum ciangin, Pawlpi inn 56 pha uh a, Pawlpimi tuiphumsa 144 pha uh a, sumpi K.32,589.62 ngah uh hi. Tu kum June sa ni khat ni pan kipan Pawlpikem Sia in hong koih uh a, sa khat K.300 hong pia uh hi.

Kum 1992 kum ciangin, Rev.Tung Za Pau leh a zi Siama Don Ngaih Lian te Pawlpikem sia-in kikipsak leleu uh hi. Tu kumin inn 88 pha a, tuiphumsa 233 pha hi. Sumpi K.178,435.90 kingah hi.

Kum 1996 ciangin Sianu Cing Sian Ning Sia khat mah in kikipsak in, tuni ciang dong Pawlpikem Sia li(4) a kinei suak hi.

Hi ka tangthu at kum 2001 kumin, kumlui sayin inn 126, tuiphumsa mi 376, sumpi K.1,05770,640 kingah hi. Munlai Pawlpi in Pawlpikem Sia a neih pan kipan tuni dong Pawlpi inn 70, mi 232, sumpi K.1,025,069 khang hi.

A tunga pianziate ka muh ciangin, Pawlpi sungah hong taisan, hong sihsan tampi a om tei hangin, hong lutsak leh nausuak sak zong hong omlai ahih manin, kikiam zaw loin kikhangto zawin ka mu sei hi.

Mite bangin sia limci hawng a nei hi leng, hi sangin khangzaw lai sei ing hi, cih zong mailam-a ing ka muhkhawlna a hi hi.