Autobiography of Rev.Dr.Samuel Nang Khan Do

MUNLAI BIAKINN LAM KIPAN

Munlai Tuiphum Pawlpi in a beisa kum tampi lai pek a aneih uh, Biakinnpi lam na’ng ngimna sum nei uh a, 1997 kum ciangin, tul zanih tang hawng tung hi. Tu sumte dapphah in Upa makai teng leh Pawlpi mimal in upna kamciam hong bawl uh lehm tul zaluk val hawng mah ngah uh hi.

Hi sum teng tawh Biakinnpi lam ingin February 12, 1997 ciangin EC in thu khensatna nei uh hi. Biakinn pen 80’x35’x20’ a lam ingin khensat ahih hangin Sub-Committee in a hoihzaw ing hong mukhehin, a dung khanin a vai hong khiam hi. February 16, 1997 ni zingsangininnliu-khuam phuhna Upa teng tawh kinei hi.

Khualzin sumzong zawdeuhte’n a vam-in hong hanciamna hang uh tawh a kizawhsiang loh hangin, tu in a liim kibeel sei ahih man kilungdam mamah hi.

A tuan-in, Pa Lam Khen Thangte innkuan in atung sikkang teng hong sik a, kilengdam mamah hi.

Lungdam ciang thanem na’ng hong piang sei zel a, hi Biakinn lam na’ng a ngeel masa Upa Luan Za Kham, Pa Thang Do Lian, Pa Vum Za Nang te’ hong nutsiat banah Khual Lian Nang, Pa Zel Khan Pau leh Pa Thual Do te’n Topa’ khiang hong zot sat uh ciangin kidah mamah tek-a zong kisanem mamah song hi.

Neih man hilo, deih manin tu’n zong upna kamciam mah kibawl zelin, tumah tawh tu in a kilam san laitak ahi hi.

Ngimna ah, mai 2002 kum ZCLS Trienial ah kihong zo hamtang leh cih ngimna kinei nginge hi. Topa in zong hong tangtungsak ing hi, cih zong upna kinei hi.

Engineer te’n hong etsak ciangin tolo ing, hong ci ahih manin a tunglam teng kiphelin a kibawl san laitak ahi hi.

KVBA KUMCIN KHAWMPI’ PAHTAWI NGAHNA

Kei pen mite’ inn le lo ah, omna khawlna leh an le tui nuamtak a ka neek bek sialloh, zin lianpi dona sungah a kihel ngei lopa khat ka hi hi.

Tu ahih manin, avei 46 na KVBA Kumcin Khawmpi zin a kido ciangin, mi’ zia mi’ tong seihloh tawh ai bang poh a kisuak tang am, ci in kilungnuammawh mamah tek a omna tek pan ngam sungmi tul thum val bang an le tui sikin, omna le khawlna ahi sei bangin kipia ki omsam sei ahih manin Pasian’ min ka phat hi.

Hi kum pen Pasian’ na ka sep kum ahih manin pension ka lakkum zong hi napi’n, Area Pastor ing Sia khat a kimuh masiah kicing lopi mahin ka om keikai a kul na hi hi.

KVBA ngeina bangin Pasian’ nasep kum 25 a cingte a kipahtawi tek mah bangin kei zong hong kipahtawi lei a, ka khan sung ka lungdamna lianbel khat hong suak hi.